Fjelljul
Romjul høgt til fjells
Jul i Hoven Restaurant. Foto: Kenneth Svendsen
Velkomen til ei koseleg romjul på fjellet. I romjula held Loen Skylift ope dagleg frå 3. juledag og til og med 1. januar. Det blir levande musikk fleire av dagane, og så blir det Romjulsquiz! Leik i snøen eller gå tur, og om vêrforholda tillet det blir det aking. Fjellbutikken leiger ut kjelkar og truger. Hoven Restaurant byr på peiskos, god mat og levande musikk.
Hoven Restaurant. Foto: Marius Beck Dahle
Musikk med Aleks Grey
Kvar dag mellom 28. desember og nyttårsaftan vil Aleks Grey (Aleksander Raftevold) skape lun romjulsstemning i Hoven Restaurant. Aleksander kjem opprinneleg frå Nordfjordeid. og er låtskrivar, produsent og artist. Som soloartist, under navnet Aleks Grey, har han turnert i Noreg, England og Tyskland. Musikken hans er streama over heile verda og han har vore lista på NRK P1, NRK P3, BBC Radio og tysk radio. Han har også komponert musikk til fleire tv-seriar.
3. juledag: Kahoot Romjulsquiz
Quizen startar kl 19, og alt du treng er å ta med smarttelefonen din. Om du ikkje har prøvd Kahoot før er det veldig enkelt å lære. Delta aleine eller på lag saman med gode vener (maks fire per lag/bord). Kveldens vinnar vil motta ein fin premie, og det blir også trøstepremiar til 2. og 3. plass. Gratis deltaking. Etter quiz’en blir det feststemning med HIT Station. Les meir om quiz’en.
3. juledag: Hit Station
Denne kvelden blir det partystemning ved Hit Station i Hoven Restaurant. Dei spelar opp kl 21:30, og spelar fram til 00:30. Finn ut meir.
5. juledag: Kahoot Familiequiz
Ta med små og store til fjells denne dagen, og bli med på noko som er moro for heile familien! Quizen startar kl. 15:15, og alt du treng er å ta med smarttelefonen din. Fine premiar og gratis deltaking! Finn ut meir
Hoven Restaurant & Bar
Hoven Restaurant serverer frå 3. juledag til 1. januar. Menyen består av både julemat og andre freistingar. Sjå menyen her., og hugs å bestille bord! Skyshop vil også vere open med servering av kanelsnurrar, kaffi og andre forfriskningar.
Aktiv desember
Om veret tillet det vil vi køyre opp vandreløyper til Skredfjellet, og lage akebakke. Følg med på vår Live-side for oppdatert informasjon. Det er fine forhold for trugeturar, så ta med gode sko og gode klede. Loen Active Fjellbutikk leiger ut truger og stavar. Du kan til og med leige vinterdress og skibriller.
Loen Active Fjellbutikk blir open kvar dag frå og med onsdag 27. til og med søndag 31. desember kl 10-16.
Hugs årskortkampanjen
Nyt høgfjellet heile året, frå korte og lange fotturar, Via Ferrata, aking, toppturar på ski og trugeturar, til arrangement og levande musikk. Kampanjen varer til og med 31. desember 2024. Innbyggarane i Stryn kommune får ein ekstra hyggeleg rabatt, uavhengig av kampanjeperioden. Finn ut meir.
Leig truger med Loen Active. Foto: Silje Fløtre Reed
